ಐಪಿಎಲ್‌ ಮುಗಿಸಿ ಸ್ವದೇಶಕ್ಕೆ ತೆರಳಿದ ಬೆನ್ನಲ್ಲೆ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಕೊಟ್ಟ ಎಬಿಡಿ !
2020ರ ಐಪಿಎಲ್‌ ಟೂರ್ನಿ ಮುಗಿಸಿಕೊಂಡು ಸ್ವದೇಶಕ್ಕೆ ತೆರಳಿದ ಬೆನ್ನಲ್ಲೆ ದಕ್ಷಿಣ ಆಫ್ರಿಕಾ ಮಾಜಿ ನಾಯಕ ಹಾಗೂ ಆರ್‌ಸಿಬಿ ಬ್ಯಾಟ್ಸ್‌ಮನ್‌ ಎಬಿ ಡಿವಿಲಿಯರ್ಸ್ ತಮಗೆ ಮೂರನೇ ಮಗು ಜನಿಸಿರುವ ಸಿಹಿ ಸುದ್ದಿಯನ್ನು ತಿಳಿಸಿದ್ದಾರೆ.
ಹೈಲೈಟ್ಸ್‌:
- ಎಬಿ ಡಿವಿಲಿಯರ್ಸ್, ಡೇನಿಯಲ್‌ ದಂಪತಿಗೆ ಮೂರನೇ ಮಗು ಜನನ
- ಇನ್‌ಸ್ಟಾಗ್ರಾಮ್‌ನಲ್ಲಿ ಈ ವಿಷಯ ಬಹಿರಂಗಪಡಿಸಿದ ಆರ್‌ಸಿಬಿ ಆಟಗಾರ
- ಹೊಸದಾಗಿ ಜನಿಸಿರುವ ಮಗುವಿನ ಹೆಸರು ಯೆಂಟೆ ಡಿವಿಲಿಯರ್ಸ್
ಹೊಸದಿಲ್ಲಿ: ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಮುಗಿಸಿಕೊಂಡು ಸ್ವದೇಶಕ್ಕೆ ತೆರಳಿದ ಬಳಿಕ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡದ ಸ್ಟಾರ್‌ ಬ್ಯಾಟ್ಸ್‌ಮನ್‌ ಎಬಿ ಡವಿಲಿಯರ್ಸ್ ಹಾಗೂ ಅವರ ಪತ್ನಿ ಡೇನಿಯಲ್‌ ಮೂರನೇ ಮಗು(ಹೆಣ್ಣು)ವಿಗೆ ಸ್ವಾಗತವನ್ನು ಕೋರಿದರು. ಇದಕ್ಕೂ ಮುನ್ನ ಎಬಿಡಿ ಅಬ್ರಹಾಂ ಡಿ ವಿಲಿಯರ್ಸ್ ಹಾಗೂ ಜಾನ್‌ ರಿಚರ್ಡ್‌ ಡಿ ವಿಲಿಯರ್ಸ್ ಇಬ್ಬರು ಗಂಡು ಮಕ್ಕಳಿಗೆ ತಂದೆಯಾಗಿದ್ದರು.
ದಕ್ಷಿಣ ಆಫ್ರಿಕಾ ಮಾಜಿ ನಾಯಕ ಎಬಿ ಡಿವಿಲಿಯರ್ಸ್, ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ 12 ಮಿಲಿಯನ್‌ಕ್ಕಿಂತಲೂ ಅಧಿಕ ಫಾಲೋವರ್ಸ್‌ಗೆ ತಮಗೆ ಮೂರನೇ ಮಗುವಾಗಿರುವ ವಿಚಾರವನ್ನು ಬಹಿರಂಗಪಡಿಸಿದರು. ಪತ್ನಿ ಹಾಗೂ ಹೊಸದಾಗಿ ಜನಿಸಿರುವ ಮಗಳೊಂದಿಗಿನ ಫೋಟೊವನ್ನು ಎಬಿ ಡಿವಿಲಿಯರ್ಸ್ ಪೋಸ್ಟ್‌ ಮಾಡಿದ್ದಾರೆ. ಮಗಳಿಗೆ ಇಟ್ಟಿರುವ 'ಯೆಂಟೆ ಡಿವಿಲಿಯರ್ಸ್' ಎಂಬ ಹೆಸರನ್ನು ಅವರು ಬಹಿರಂಗ ಪಡಿಸಿದರು.
"11-11-2020 ರಂದು ನಾವು ಮೂರನೇ ಮಗುವನ್ನು ಪ್ರಪಂಚಕ್ಕೆ ಸ್ವಾಗತಿಸಿದ್ದೆವು" ಎಂಬ ಶೀರ್ಷಿಕೆಯನ್ನು ನೀಡಿರುವ ಡಿವಿಲಿಯರ್ಸ್, "ಯೆಂಟೆ ಡಿವಿಲಿಯರ್ಸ್, ನೀವು ನಮ್ಮ ಕುಟುಂಬಕ್ಕೆ ಪರಿಪೂರ್ಣ ಸೇರ್ಪಡೆ ಮತ್ತು ಆಶೀರ್ವಾದ. ನಿಮಗಾಗಿ ಲೆಕ್ಕಕ್ಕಿಂತ ಮೀರಿ ನಾವು ಕೃತಜ್ಞರಾಗಿರುತ್ತೇವೆ! " ಎಂದು ಎರಡನೇ ಸಾಲಿನಲ್ಲಿ ಎಬಿಡಿ ತನ್ನ ಮಗಳ ಹೆಸರನ್ನು ಬಹಿರಂಗಪಡಿಸಿದ್ದಾರೆ.
ದಕ್ಷಿಣ ಆಫ್ರಿಕಾ ಮಾಜಿ ನಾಯಕ ಎಬಿ ಡಿವಿಲಿಯರ್ಸ್, ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ 12 ಮಿಲಿಯನ್‌ಕ್ಕಿಂತಲೂ ಅಧಿಕ ಫಾಲೋವರ್ಸ್‌ಗೆ ತಮಗೆ ಮೂರನೇ ಮಗುವಾಗಿರುವ ವಿಚಾರವನ್ನು ಬಹಿರಂಗಪಡಿಸಿದರು. ಪತ್ನಿ ಹಾಗೂ ಹೊಸದಾಗಿ ಜನಿಸಿರುವ ಮಗಳೊಂದಿಗಿನ ಫೋಟೊವನ್ನು ಎಬಿ ಡಿವಿಲಿಯರ್ಸ್ ಪೋಸ್ಟ್‌ ಮಾಡಿದ್ದಾರೆ. ಮಗಳಿಗೆ ಇಟ್ಟಿರುವ 'ಯೆಂಟೆ ಡಿವಿಲಿಯರ್ಸ್' ಎಂಬ ಹೆಸರನ್ನು ಅವರು ಬಹಿರಂಗ ಪಡಿಸಿದರು.
"11-11-2020 ರಂದು ನಾವು ಮೂರನೇ ಮಗುವನ್ನು ಪ್ರಪಂಚಕ್ಕೆ ಸ್ವಾಗತಿಸಿದ್ದೆವು" ಎಂಬ ಶೀರ್ಷಿಕೆಯನ್ನು ನೀಡಿರುವ ಡಿವಿಲಿಯರ್ಸ್, "ಯೆಂಟೆ ಡಿವಿಲಿಯರ್ಸ್, ನೀವು ನಮ್ಮ ಕುಟುಂಬಕ್ಕೆ ಪರಿಪೂರ್ಣ ಸೇರ್ಪಡೆ ಮತ್ತು ಆಶೀರ್ವಾದ. ನಿಮಗಾಗಿ ಲೆಕ್ಕಕ್ಕಿಂತ ಮೀರಿ ನಾವು ಕೃತಜ್ಞರಾಗಿರುತ್ತೇವೆ! " ಎಂದು ಎರಡನೇ ಸಾಲಿನಲ್ಲಿ ಎಬಿಡಿ ತನ್ನ ಮಗಳ ಹೆಸರನ್ನು ಬಹಿರಂಗಪಡಿಸಿದ್ದಾರೆ.
Reported By : Parva News Kannada
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ